Galysheva men Reıherd mogýldan álem kýbogy kezeńiniń júldegeri atandy
ORAL. QazAqparat – Qazaqstandyqtar ıÝlııa Galysheva men Dmıtrıı Reıherd Kalgarıda (Kanada) frıstaıl-mogýldan ótken álem kýbogy kezeńiniń júldegeri atandy, dep habarlaıdy QazAqparat tilshisi.
Ulttyq olımpıada komıteti habarlaǵanyndaı, 2018 jylǵy Olımpıadanyń qola júldegeri ıÝ.Galysheva kúmis, D.Reıherd qola medalǵa ıe boldy.
ıÝlııa alty fınalıstiń qataryna úzdik nátıjemen ótti. Ótken jylǵy álem chempıony jarystyń sheshýshi bóliginde 80,69 ball jınap, ekinshi orynǵa kóterildi. Frantsııalyq Perrın Laffan (81,22 ball) chempıon atansa, kanadalyq Jıýstın Dıýfor-Lapýant (79,94 ball) úzdik úshtikti túıindedi.
D.Reıherd bastapqyda besinshi nátıje kórsetti. Degenmen fınalda ol óz kórsetkishin jaqsartyp, 84,19 balmen úshinshi orynǵa ilikti. Kanadalyq Mıkael Kıngsberı (89,09 ball) altyn, shvetsııalyq Ýolter Ýolberg (85,10) kúmis júldeni enshiledi.
Aıta keteıik, ótken jyly Kalgarıda ıÝ.Galysheva jeńimpaz atanǵan bolatyn. Al D.Reıherd úshin bul – bıylǵy maýsymdaǵy alǵashqy júlde.
Kanadada osylaısha álem kýbogynyń tórtinshi kezeńi márege jetti. Bıyl álem kýbogynyń bir kezeńi Almatydaǵy Shymbulaqta da ótedi.
