Galysheva men Reıherd AQSh-taǵy álem kýbogi kezeńinde baq synaıdy
ASTANA. QazAqparat - 19 qańtar kúni AQSh-tyń Leık-Plesıd qalasynda frıstaıldan álem kýboginiń tórtinshi kezeńi ótedi. Atalǵan synǵa qazaqstandyq sportshylar da qatysady dep habarlaıdy Olympic.kz.
Leık-Plesıdte Qazaqstan namysyn Pavel Kolmakov, Aleksandr Gebert, Dmıtrıı Reıherd, Konstantın Gorlachev, Oleg Tsınn, ıÝlııa Galysheva jáne Aıaýlym Ámirenovalar qorǵaıdy.
Sportshylardyń barlyǵy mogýlda baq synaıtynyn eskertemiz.
Eske sala keteıik, ıÝlııa Galysheva osyǵan deıin ótken álem kýboginiń úsh kezeńinde de júldege ilikti. Fınlıandııanyń Rýka qalasynda kúmis medal ıelengen ol Qytaıda paralleldi mogýldan úzdikter úshtigin tuıyqtady.
Al Kalgarıdegi (Kanada) úshinshi kezeńde Galysheva maýsymdaǵy alǵashqy jeńisin toılady. Ol Olımpıada chempıony Perrın Lafondy basyp ozyp, altynnan alqa taqqan edi.
Búginde álem kýboginiń jalpy esebinde ıÝlııa Galysheva frantsııalyq sportshyǵa ǵana ese jiberip, ekinshi orynda keledi.
Al erler arasynda Dmıtrıı Reıherd Qytaıdaǵy álem kýboginiń qola medalin ıelendi. Ol jalpy esepte alǵashqy bestikke endi.
Eske sala keteıik, mogýldan álem kýboginiń fınaldyq kezeńi 2-3 naýryz kúnderi Almatydaǵy "Shymbulaq" taý-shańǵy kesheninde ótedi.
