Ǵalymjan Pirmatov: Ulttyq bank saılaý aldynda teńge baǵamyna áser etip otyrǵan joq

ASTANA. QazAqparat – Ulttyq bank tóraǵasy Ǵalymjan Pirmatov Senat kýlýarynda teńge baǵamy saılaý qarsańynda qoldan rettelip otyrǵany týraly málimetke pikir bildirdi, dep habarlaıdy QazAqparat tilshisi.

«Biz valıýta naryǵyndaǵy áreketterimizdiń bárin ashyq júrgizip kelemiz. Altyn-valıýta rezervin ınterventsııalaýdy ǵana emes, Ulttyq qordan valıýta satý áreketterin de, Biryńǵaı zeınetaqy qory boıynsha da ashyq málimet berip otyrmyz. Osy ashyqtyqty ári qaraı da jalǵastyramyz. Sondyqtan Ulttyq bank saılaýdyń aldynda teńge baǵamyna qandaı da bir jolmen áser etip jatqany týraly qaýesetter shyndyqqa janaspaıdy», - dedi Ulttyq bank basshysy.