Ǵalymjan Pirmatov: UB ekonomıkany nesıeleýden neǵurlym tezirek ketkeni durys
«7-20-25» baǵdarlamasy 2018 jyldyń shilde aıynan bastalǵan bolatyn. Baǵdarlama bastalǵan kezde onyń bıýdjeti 1 trln teńge dep belgilendi. Ol kezde bazalyq mólsherleme 9,25 paıyz bolatyn. Múmkin sol kezde baǵdarlamanyń paıyzdyq mólsherlemesin bazalyq mólshermege baılap tastaý durys bolar ma edi?
Byltyr osy baǵdarlama boıynsha qazaqstandyqtarǵa 427 mlrd teńge nesıe berildi. Bul baǵdarlamanyń basqa baǵdarlamalardan aıyrmashylyǵy – eshqandaı shekteý joq. Tek páterińiz bolmaýy kerek. Bizde aqparat bar, osy baǵdarlama boıynsha keıbir qazaqstandyqtar bir emes, birneshe ret nesıe alǵan. Ulttyq bakntiń pikiri boıynsha, memleket qazaqstandyqtarǵa múmkindiginshe ataýly túrde kómektesýi kerek. Bárine birdeı, shegi joq mólsherde arzan ıpoteka degen uzaq merzimde ózimizdiń ekonomıkamyzǵa úlken teris áserin beredi», - dei ol BAQ ókilderine arnalǵan brıfıngide.
Onyń aıtýynsha, memlekettiń makroekonomıkadaǵy qateleri úshin aınalyp kelgende qarapaıym qazaqstandyqtar tóleıdi. Sonyń saldarynan ınflıatsııa ósedi, páterlerdiń quny ósedi.
«Páter alamyz dep aqsha jınap júrgen qazaqstandyqtar páterdiń baǵasy ósken saıyn sol páterge jetpeý táýekeli kóbeıe beredi.
Sondyqtan memleket tarapynan jaýapkershiligi joǵary makroekonomıkalyq saıasat ustanatyn bolsaq, uzaq merzimde bul qazaqstandyqtardyń ál-aýqatyn kóterýge oń septigin tıgizedi. Inflıatsııa kóbeıe beretin bolsa, qazaqstandyqtardyń kúndelikti tapqan tabysynyń quny túsip ketip, orta turmysty qazaqstandyqtardyń jınaǵan qarjysy qunsyzdanady, naryqta senimsizdik paıda bolady.
Ulttyq bank ekonomıkany nesıeleýden neǵurlym tezirek ketse, uzaq merzimde soǵurly durys», - dedi ol.
Aıta keteıik, Ulttyq banktiń aqsha-kredıt saıasaty komıteti bazalyq mólsherlemeni 16,75% deńgeıinde qaldyrý týraly sheshim qabyldady.
