Ǵalymjan Pirmatov teńge – dollar jubynyń saýda-sattyǵyn ashý nege keıinge qaldyrylǵanyn túsindirdi
«Ulttyq bank naqty ýaqyt rejıminde jaǵdaıdyń damýyn baqylap, Reseıge qarsy jańa sanktsııalardyń Qazaqstannyń qarjy júıesine tıgizetin áserin baǵalap otyrady. 26 jáne 27 aqpanda AQSh jáne Eýropa elderi Reseıdiń jekelegen bankterin SWIFT-ten ajyratý jáne Reseıdiń Ortalyq Banki aktıvteriniń jumysyna tyıym salý arqyly Reseıdiń qarjy sektoryna qatysty buryn sońdy bolmaǵan shekteý sharalarynyń jańa toptamasy týraly jarııalady», - dedi Ulttyq bank basshysy.
Aııtýynsha, Ulttyq bank Reseıge qarsy jańa sanktsııalardyń Qazaqstannyń qarjy júıesine áserin barynsha azaıtý maqsatynda daǵdarysqa qarsy sharalardyń kelesi kezeńin iske asyrýǵa kirisken.
«Birinshi. Keshe syrtqy naryqtardaǵy joǵary belgisizdik aıasynda Reseı rýbli qubylmalyǵynyń joǵarlanǵan yqpalyn aldyn alý maqsatynda Ulttyq Bank teńge – dollar valıýta juby boıynsha saýda-sattyqty frankfýrttyq aýktsıon rejıminde ótkizý týraly sheshim qabyldady. Bul rette, artyq qubylmalyqty boldyrmaý úshin Reseı Federatsııasynda tolyqqandy saýda-sattyq tıisinshe ashylyp, Reseıdiń Ortalyq Bankiniń sharalary jarııa etilgenge deıin teńge – dollar jubymen saýda-sattyqty ashý keıingi qaldyryldy», - dedi Ǵalymjan Pirmatov.