Ǵalymjan Pirmatov óz erkimen «Qazatomónerkásiptiń» Basqarma tóraǵasy qyzmetinen ketti
Basqarma tóraǵasynyń mindetin ıAOTs jónindegi bas dırektory Májıt Beısembaıuly Sháripov atqarady.
«Samuryq-Qazyna» AQ atynan Ǵ.Pirmatov myrzaǵa óz isine berilgendigi jáne jumys kezeńde kompanııanyń damýyna qosqan eleýli úlesi úshin shynaıy alǵysymdy bildirgim keledi. Bizge onyń ýran salasyndaǵy baǵa jetpes tájirıbesi men aıryqsha nátıjelerge qol jetkizý beıildiligi jetpeıtini sózsiz. «Samuryq-Qazyna» AQ atynan jáne jeke óz atymnan Ǵalymjan Oljaıulyna bar jaqsylyq pen bolashaqta tabys tileımin»,- dep atap ótti «Samuryq - Qazyna» AQ-nyń Basqarma tóraǵasy Almasadam Satqalıev.
«Men el basshylyǵyna senim bildirgeni jáne kompanııany tıimdi basqarý úshin usynylǵan múmkindik úshin zor alǵysymdy bildiremin. Kompanııa men búkil álemdik ýran salasy úshin osyndaı kúrdeli ýaqytta Qazatomónerkásipti basqarý men úshin úlken abyroı boldy», - dep atap ótti Ǵ.Pirmatov.
Ǵalymjan Oljaıuly 2015 jyldan bastap Qazatomónerkásipte túrli laýazymdardy atqarǵan. Qazirgi ýaqytta ıAOTs boıynsha Bas dırektory Májıt Sháripov memlekettik qyzmette jáne jeke sektorda túrli laýazymdarda, onyń ishinde QR Energetıka jáne mıneraldyq resýrstar mınıstrliginiń ıadrolyq energetıka jáne atom ónerkásibi departamentiniń dırektory, QR Atom energııasy agenttiginiń atom energetıkasy jáne ónerkásibi departamentiniń dırektory jáne Atom energııasy komıtetiniń tóraǵasy laýazymdarynda 31 jyldan astam jumys tájirıbesi bar.
