Ǵalymjan Pirmatov munaı naryǵyna boljamdy jarııa etti

ASTANA. QazAqparat – Ulttyq bank tóraǵasy Ǵalymjan Pirmatov munaı naryǵyndaǵy ahýalǵa qatysty aıtty, dep habarlaıdy QazAqparat tilshisi.

«Munaı naryǵyndaǵy ahýal, eń aldymen, keleshektegi suranysqa baılanysty belgisiz bolyp tur. Joǵary paıyzdyq mólsherlemeler yqtımal retsessııa táýekelderin arttyrýda. Boljamdar boıynsha osy jylǵy munaıǵa degen suranys ósiminiń jartysyn qamtamasyz etetin Qytaı ekonomıkasy qalpyna álsiz kelip jatyr», - dedi Ǵalymjan Pirmatov.

Onyń atap ótýinshe, munaı óndirisin qosymsha azaıtý týraly OPEK+tiń habarlandyrýy jáne jaqyn arada munaı tapshylyǵynyń paıda bolý boljamdary baǵany qoldaý úshin jetkiliksiz boldy.

«Nátıjesinde qazirgi ýaqytta munaıdyń quny bazalyq stsenarııden tómen qalyptasyp otyr», - dedi Ulttyq bank tóraǵasy.