Ǵalymjan Pirmatov iskerlik belsendilikti tejeıtin negizgi sebepterdi atady

ASTANA. QazAqparat – Elimizde iskerlik belsendilik ındeksi teris aımaqta qalyp otyr. Bul týraly búgin Úkimet otyrysynda QR Ulttyq bank tóraǵasy Ǵalymjan Pirmatov aıtty, dep habarlaıdy QazAqparat.

«Buryn-sońdy bolmaǵan shok saldarynan álemde jáne Qazaqstanda iskerlik belsendilik baıaýlady. Degenmen, ótken jyldyń jeltoqsan aıynda jahandyq iskerlik belsendilik 48-den 48,2-ge deıin birshama jaqsardy. Bul óńdeý ónerkásibindegi ındekstiń artýynan jáne qyzmet kórsetý salasyndaǵy turaqtaný esebinen boldy. Qazaqstanda iskerlik belsendilik ındeksi teris aımaqta qalýyna qaramastan, qarashadaǵy 48,9-dan jeltoqsanda 49,2-ge deıin jaqsardy. Іskerlik belsendilikti tejeıtin negizgi sebep – logıstıkadaǵy problemalar men taýar jetkizýdegi uzaqtyq. Óndiris sektorynda iskerlik belsendilik jaqsardy», - dedi Ǵalymjan Pirmatov.

Jalpy, onyń dereginshe, bıznes júrgizýdiń bolashaqtaǵy talaptaryna qatysty kásiporyndardyń kútýleri oń.

Aǵymdaǵy bıznes talaptary áli de bolsa teris dep baǵalanyp otyr.

«Jahandyq iskerlik belsendiliktiń ósý perspektıvasyna geosaıası shıelenis, joǵary naryqtyq qubylmalylyq, ınflıatsııalyq qysym, energııa baǵasynyń kóterilýi, úı sharýashylyǵyndaǵy kiristerdiń álsiz ósýi teris áser etip otyr», - dedi Ulttyq bank tóraǵasy.