Ǵalymjan Pirmatov: Halyqtyń naqty kirisiniń tómendeýi tutynýshylyq suranysty tejeıdi
«Qazaqstan ekonomıkasy 2023 jylǵy qańtar-mamyr aılarynda 4,5 paıyzǵa ósti. Bul Ulttyq banktiń bıylǵa belgilegen boljamdaryna sáıkes keledi. Naqty sektor – 3,6, qyzmetter salasyndaǵy iskerlik belsendilik 4,9 paıyzǵa artty. Eń joǵary ósý qarqyny qurylys, saýda, aqparat pen baılanys salalarynda baıqaldy», - dedi Ulttyq bank tóraǵasy.
Ǵalymjan Pirmatovtiń aıtýynsha, ekonomıkadaǵy ósimniń oń úrdisi iskerlik belsendilik ındeksiniń dınamıkasymen rastalady. Ol maýsym aıynda 51,1 mánine deıin ulǵaıdy. Tutynýshylyq kredıtter men joǵary ınflıatsııalyq kútýler ishki suranystyń turaqtylyǵyna yqpal etip otyr. Ony bólshek taýar aınalymynyń dınamıkasynan jáne tutyný taýarlary ımportynyń ósýinen kórýge bolady.
«Investıtsııalyq belsendiliktiń keńeıýi de ishki suranysqa oń áser etti. Bıylǵy qańtar-mamyr aılarynda negizgi kapıtalǵa salynǵan ınvestıtsııalardyń ósýi naqty mánde 17,2 paıyz boldy. Investıtsııanyń negizgi kólemi qurylys jáne kúrdeli jóndeý jumystaryna tıesili boldy. Áli de joǵary qalpynda turǵan ınflıatsııaǵa baılanysty halyqtyń naqty kirisiniń tómendeýi tutynýshylyq suranysty tejeıtin faktor bolyp otyr», - dedi ol.