Ǵalymjan Pirmatov bazalyq mólsherlemeniń nege kóterilgenin túsindirdi

ASTANA. QazAqparat – Ulttyq bank bazalyq mólsherlemeni 16 paıyz dep belgiledi. Bul týraly Ulttyq banktiń basqarma tóraǵasy Ǵalymjan Pirmatov arnaıy brıfıngide aıtty, dep habarlaıdy QazAqparat tilshisi.

«Ulttyq baktiń aqsha-kredıt saıasaty komteti 27 qazannan bastap bazalyq mólsherlemeni 16 paıyzǵa deıin kóterý jóninde sheshim qabyldady. Sheshim ınflıatsııanyń jedeldeýine jáne baǵanyń ósýi bizdiń boljamdy baǵalaýymyzdan edáýir joǵary qalyptasýyna baılanysty qabyldandy. Bıylǵy joldyń sońyna qaraı ınflıatsııanyń 16-18 paıyz aralyǵynda qalyptasatynyn boljaǵan edik. Qyrkúıek aıynda naqty ınflıatsııanyń jasalǵan boljamnan asyp túsýi, ınflıatsııalyq kútýlerdiń oń fıskaldyq serpin aıasyndaǵy ınflıatsııanyń komponentteriniń turaqtylyǵynyń, joǵary syrtqyınlıatsııanyń, taýar jetkizý joldarynyń buzylýynyń, Reseıden joǵary ınflıaıtsıa ımportynyń jalǵasýynyń, sondaı-aq óndiris shyǵyndarynyń ósýiniń saldarynan orynaldy. Inflıatsııanyń turaqty ósýiniń aıqyn belgileri baıqalýda», -dedi bank tóraǵasy. Sondaı-aq ol qazirgi ınflıatsııanyń ósýi uzaqqa sozylýy múmkin ekenin atap ótti.

«Mundaı jaǵdaıda onyń qarqyndy ósýi uzaqqa sozylýy yqtımal. Osynyń bári aqsha-kredıt talaptaryn qatańdatýǵa baǵyttalǵan sheshýshi sharalar qabyldaýdy qajet etedi. Naqty bazalyq mólsherlemeniń óziniń qalypty máninen uzaq ýaqytqa aıtarlyqtaı aýytqýyna jol bermegen jón. Sebebi bul ınflıatsııalyq protsestiń baqylaýdan shyǵýyna ákelip, keıingi jyldary ınflıatsııany turaqtandyrý múmkindigin azaıtady»,- dedi Ǵalymjan Pirmatov.

Eske salsaq, Ulttyq bank bazalyq mólsherlemeni 16%-ǵa deıin kóterdi.