Ǵalymjan Moldanazar men Ivan Dornnyń áni jelide tanymal boldy

ASTANA. QazAqparat - Sıntı-pop mánerinde tanymal qazaqstandyq ánshi Ǵalymjan Moldanazar men Ýkraına ánshisi Ivan Dornnyń birlese oryndaǵan «Qaıda» áni jaryqqa shyqty, dep habarlaıdy «QazAqparat» HAA tilshisi.

Birlesken án Ivan Dornnyń Youtube kanalynda jarııalanǵan. Ýkraınalyq ánshiniń  Youtube kanalyna 108 myńǵa jýyq jazylýshy tirkelgen. Ánshi sondaı-aq, jańa ándi óziniń Instagram paraqshasyna jarııalady. 

Ándi tyńdaǵan tyńdarmandar jyly lebizderin bildirip jatyr.

«Ýaý!!! Ekeýi de men úshin keremet ártister! Klıp túsirse tipti qatyp keter edi», - dep jazady ánshiler tyńdarmandarynyń biri.

«Ýkraın men qazaq tiliniń bir ánde toǵysýy keremet!» - dep jazady ekinshi tyńdarman.

Qos eldiń ánshileri jańa ándi qazaq jáne ýkraın tilderinde oryndap shyqqan. Tyńdarmandar ánshilerdiń taǵy da birlesken jobalary bolatynyna senim bildirip jatyr.