Ǵalymjan Qyryqbaı – «Qazaqstan barysynyń» ekinshi fınalısi
ASTANA. QazAqparat – Ǵalymjan Qyryqbaı elordadaǵy «Barys Arena» sport kesheninde ótip jatqan «Qazaqstan barysy-2023» respýblıkalyq týrnıriniń fınalyna shyqty, dep habarlaıdy QazAqparat tilshisi.
Jartylaı fınaldyń ekinshi beldesýinde qos «Ásker barysy» Marat Baıqamurov pen Ǵalymjan Qyryqbaı baq synasty.
Negizgi ýaqytta qarsylastar qos eskertýden alyp, 1 mınýttyq «beldesý» kezeńinde Ǵalymjan Qyryqbaıdyń baǵy jandy.
Osylaısha ol «Ásker barysy-2023» týrnıriniń fınalynda ketken esesin qaıtardy.
Eske salaıyq, bıyl «Qazaqstan barysy» jyldaǵyǵa qaraǵanda ózgeshe ótip jatyr.
Jańa oblystardyń ashylýyna baılanysty jarysqa qatysýshylardyń sany artqan. Naqtyraq aıtsaq, 41 palýan baq synap jatyr.
Onyń ishinde 33 palýan oblystardan, 2 sportshy «Ásker barysynan» jáne 3 qaladan taǵy 6 sportshy qatysýǵa múmkindik alǵan.
Uıymdastyrýshylardyń málimetinshe, týrnırdiń jalpy júlde qory – 40 mln teńge, onyń ishinde jarys jeńimpazyna 25 mln teńge syıaqy beriledi.
