Ǵalymdardyń júrek aýrýyna baılanysty boljamy teriske shyqty
ASTANA. QazAqparat - Ǵalymdar júrektiń sozylmaly ıshemııalyq dertine shaldyqqan 38 myń adamdy zerttedi. Zertteý barysynda mamandar aýyl turǵyndary men qala turǵyndaryn salystyrdy.
Olar zertteý kezinde aýyl turǵyndarynyń júrek aýrýynan qaıtys bolý qaýpi joǵary bolar dep boljaǵan bolatyn. Sebebi aýyldy jerlerde medıtsınalyq kómektiń sapasy qalaǵa qaraǵanda tómen.
Alaıda bul zertteý qorytyndysynda ǵalymdardyń bul boljamy teriske shyqty. Aýrýhanadan emdelip shyqqan aýrýdyń jaǵdaıy turǵylyqty jerine qaramastan birdeı bolyp shyqty. Aýylda kóptegen medıtsına mamandary men dári-dármek tapshy bolsa da, kórsetilgen qyzmet sapasy qaladan kem emes. Aıta keteıik, jyl saıyn júrek aýrýy saldarynan 4 mln.-ǵa jýyq adam kóz jumady, dep jazady sheteldik BAQ.
