Ǵalymdardyń jasandy Marstaǵy synaǵy aıaqtaldy
ASTANA. QazAqparat - Marsqa jetý jolynda synaq júrgizgen ǵalymdar zertteý jumystaryn aıaqtady, dep habarlady www.24.kz.
Olar Gavaı araldaryndaǵy Maýna-Loa janartaýynyń janyna marsqa uqsas jasandy orta daıyndap, sonyń ishinde bir jyl ómir súrgen. Syrtqa shyqqan kúnniń ózinde skafandr paıdalanǵan. Buǵan deıin NASA Qyzyl planetaǵa ushatyn zymyran tasymaldaǵyshtyń qozǵalqyshyn synaqtan sátti ótkizgen bolatyn. Al 2 jyl buryn ǵalymdar Marsqa qonýǵa arnalǵan ǵarysh apparatyn alǵash ret synap kórdi.
«Bul synaqtardyń qorytyndysy óte mańyzdy. Osynyń kómegimen bolashaq ekıpaj músheleri ǵaryshqa ushqanda túrli tapsyrmalardy oryndaýǵa daıyndalady», - dedi ǵalym Trıstan Bassıngtýeıt.
