Ǵalymdardyń endigi mindeti - qazaqtardyń ulttyq tarıhynyń jahandyq tarıhpen baılanysynyń tereńdigin, keńdigin ári aýqymdyǵyn kórsetý - M.Tájın

ASTANA. 25 qyrkúıek. QazAqparat - Ǵalymdardyń endigi mindeti - qazaqtardyń ulttyq tarıhynyń jahandyq tarıhpen baılanysynyń tereńdigin, keńdigin ári aýqymdyǵyn kórsetý. Búgin Aqordada ótken ulttyq tarıhty zerdeleý jónindegi vedomstvoaralyq jumys tobynyń úshinshi otyrysynda QR Memlekettik hatshysy Marat Tájın osylaı dedi.

«Ǵalymdardyń endigi mindeti - búkilálemdik tarıhı protsestiń bólinbes bólshegi retindegi bizdiń tarıhymyzdy kórýge, uǵynýǵa múmkindik beretin tereń, obektıvti ǵylymı zertteýler júrgizý. Taǵy da qaıtalap aıtamyn, bizge jergilikti tarıh qajet emes. Qazaq ulttyq tarıhy - bul búkilálemdik tarıhtyń bólshegi. Muny biz erterek kórseter bolsaq, onda jahandyq tarıhpen bizdiń ulttyq tarıhymyzdyń baılanysynyń tereńdigin, keńdigin, aýqymdylyǵyn naqtyraq dáleldeıtin bolamyz», - dedi Memlekettik hatshy.