Ǵalymdardy doktorantýra júıesi boıynsha daıyndaýǵa memlekettik tapsyrys eki eseden astamǵa ósti - Memlekettik basqarý akademııasy
ASTANA. 26 sáýir. QazAqparat - Ǵalymdardy doktorantýra júıesi boıynsha daıyndaýǵa memlekettik tapsyrys eki eseden astamǵa ósip, 200 orynnan 500 orynǵa deıin jetti.
Bul málimetterdi búgin Memleket basshysynyń Joldaýyna baılanysty ǵalymdar, doktoranttar jáne magıstranttar arasynda ótip jatqan ǵylymı-tájirıbelik konferentsııa barysynda Memlekettik basqarý akademııasynyń rektory Bolatbek Ábdirásilov málim etti.
Onyń derekterine qaraǵanda, 2015 jylǵa qaraı elde bilim berý isin jetildirýmen baılanysty baǵdarlama negizinde memlekettik tapsyrys myń orynǵa jetedi. «Bul memlekettiń jastardy ǵylym salasyna tartý baǵytyndaǵy qoldaýy»,-deıdi akademıııa rektory.
Onyń derekterinshe, ótken jyly magıstranttardyń akademııalyq utqyrlyǵyna ótken jyly alǵash ret 200 mıllıon teńge bólinse, bıyl bul soma 500 mıllıon teńgege deıin jetti.
«Ǵylym salasynda bolyp jatqan osy sııaqty ıgi ózgerister árıne bizdiń akademııaǵa da qatysty. Bıyl alǵash ret bıýdjetten 4 joba boıynsha ǵylymı-zertteý jumystary men áleýmettik zertteýler júrgizýge qajetti qarjy bólindi. Bilim jáne ǵylym mınıstrligi osy mezette bizdiń magıstranttardyń akademııalyq utqyrlyǵy men sheteldik zerteýshilerdi tartý úshin 30 mıllıonnan astam qosymsha qarjy bólgendigin málim etti»,-dedi B.Ábdirásilov.
