Ǵalymdardy daıyndaýdyń jańa júıesine kóshkeli otyrmyz - Memlekettik basqarý akademııasynyń rektory
ASTANA. 26 sáýir. QazAqparat - «Memleket basshysy ótken jyly «Ǵylym týraly» jańa Zańǵa qol qoıdy.
Bul qujat Qazaqstan ǵylymyn damytýdaǵy ınnovatsııalyq bastama bolyp otyr»,-dep atap kórsetti búgin Memlekettik basqarý akademııasynyń rektory Bolatbek Ábdirásilov atalmysh akademııada Memleket basshysynyń Joldaýyna baılanysty ǵalymdar men doktoranttar jáne magıstranttar arasynda ótip jatqan ǵylymı-tájirıbelik konferentsııa barysynda.
Rektordyń sózinshe, Prezıdent qol qoıǵan jańa «Ǵylym týraly» Zańynda ǵylymdy qarjylandyrýdyń granttyq, bazalyq jáne jobalyq sııaqty jańa úlgileri kórsetildi. Osynyń arqasynda elde ǵylym salasyn qarjylandyrý erekshe ózgeriske ushyrady.
«Ótken jylmen salystyrǵanda, bıylǵy jyly ǵylymdy qarjylandyrý 20 mıllıard teńgeden 49,7 mıllıard teńgege deıin ósti. ıAǵnı ósim 70 paıyz. Memleket tarapynan qamqorlyq bilim berýdi damytýmen baılanysty zańnamalar men baǵdarlamalar negizinde de kórsetilýde. Osynyń arqasynda ǵylym salasyna jastar kóptep kele bastady»,-dedi B.Ábdirásilov.
Onyń sózinshe, osy ıgilikterdiń arasynda magıstratýra men PhD doktorantýrasy negizinde jas ǵalymdardy daıyndaý isin erekshe bólip aıtýǵa bolady.
«Bıylǵy jyly magıstranttardy daıyndaý isine bólingen qarjy eki esege ósti. Osynyń nátıjesinde biz jylda 2,5 myń magıstrant qabyldaıtyn bolsaq, qazir olardyń sany 7 myńǵa jetti. Ekinshiden, qazir memleket jańa doktorantýrany damytý isine erekshe kóńil bólýde. Ol - PhD doktorantýrasy. Osylaısha, biz ózimizdiń ǵalymdarymyzdy daıyndaýdyń jańa júıesine kóshkeli otyrmyz»,-dedi akademııa rektory.
