Ǵalymdar: Júz jyldan keıin Peterbor sý astyna ketýi múmkin
ASTANA. QazAqparat - Seısmıkalyq belsendilik jer astyndaǵy orasan mol sýdy syrtqa shyǵaryp, Dúnıejúzilik muhıt deńgeıin kóterýi yqtımal. Bul jaǵalaýǵa ornalasqan qalalar men eldi mekenderdi, olardyń ishinde aldymen Peterbordy sý basý qaýpin týǵyzady
Bul týraly Dúnıejúzilik jabaıy tabıǵat qory (WWF) ǵalymdarynyń resmı baıandamasynda aıtylǵan.
Ǵalymdardyń sózine qaraǵanda, Soltústik astananyń sýǵa batýy múmkin jaǵdaı. Ol tek ýaqyttyń enshisinde. Sarapshylar bul úderis shamamen júz jylǵa taıaý merzimge sozylatyndyǵyn aıtady. Onyń ústine Reseıde ǵalamdyq jylymyq úderisi ózge barlyq elderge qaraǵanda edáýir joǵary. Bul jaǵdaıdy odan ári qıyndata túspek. Sondaı-aq júz jyldan keıin ıAmal jarty araly men Lenıngrad oblysy da sý basqan aımaqta qalmaq.
Dúnıejúzilik uıymnyń pikirlerimen reseı metereologtary kelispeı otyr. Olardyń esepteýinshe, sý deńgeıiniń kóterilýi búgingi kezeńdegideı jalǵasqan jaǵdaıda áli 500 jylǵa deıin qaýip týa qoımaıdy.
