Ǵalymdar: Júıke jasýshalaryn qalpyna keltirýge bolady
ASTANA. QazAqparat - Sankt-Peterbýrgte ótip jatqan Dúnıejúzilik psıhıatrlar kongresiniń qatysýshylary kútpegen tujyrymǵa keldi - adam mıy balalyq shaqta, jasóspirim kezde ǵana emes, ómir boıy damý ústinde bolady.
Nemis psıhotaldaý akademııasynyń prezıdenti Marııa Ammon adam mıy emotsııalyq faktorlardyń áserimen tipti egde jasta da damı beredi degen málimet aıtty.
Sondyqtan budan buryn ǵalymdardyń adam ómirinde eki kezeń - týylǵannan 3 jasqa deıin jáne jasóspirim shaqta mı belsendi damıdy, sodan keıin damý birden toqtap qalady degen usynymy múldem shyndyqqa janaspaıtyn bolyp shyqty.
«Endi biz olaı emes ekenin biletin bolamyz. Júıke jasýshalary qalpyna kelmeıdi degen tujyrym ótkenniń enshisinde qaldy», - dedi Izraıldiń burynǵy bas jasóspirimder psıhoterapevti, psıhıatrııa salasynyń qurmetti professory Samýel Tıano.
V.M. Behterev atyndaǵy ǵylymı-zertteý psıhonevrologııalyq ınstıtýttyń bastyǵy Nıkolaı Neznanovtyń pikirinshe, júıke jasýshalary tipti kárilikpen aljasqan aýrýlardyń ózinde az dárejede bolsa da, qalpyna keledi, dep jazady sheteldik BAQ.
