Ǵalymdar jurtpen jıi aralasýdyń adam ómirin uzartatynyn anyqtady

ASTANA. QazAqparat - London Ýnıversıtettik kolledjiniń ǵalymdary adam ómiriniń uzaqtyǵyna yqpal etetin áleýmettik faktorlardy anyqtady. Zertteýshilerdiń bul jaıly jazǵan ǵylymı maqalasy «AQSh Ulttyq ǵylym akademııasynyń eńbekteri» jýrnalynda jarııalandy, dep habarlaıdy «QazAqparat» HAA.

Ǵalymdar uzaq jyldar boıy 50 jastan asqan erler men áıelderdiń, jalpy 7304 adamnyń ómirin zerttedi. Zertteýshiler dostarymen, týystarymen jaqsy qarym-qatynasta bolyp, olarmen kóbirek unamdy áńgime-dúken quratyn egde jastaǵy adamdardyń densaýlyǵy aıtarlyqtaı jaqsy bolatynyn anyqtady.

Ózin jaqsy sezinetin jandardyń 73 paıyzy kem degende aptasyna bir ret dostarymen, jaqyndarymen kezdesip, sportzaldarǵa, mýzeılerge, teatrlarǵa, dinı mekemelerge baratyny, qoǵamdyq uıymdardyń qyzmetine atsalysatyny anyqtaldy.

Zertteýshilerdiń pikirinshe, belsendi ómir saltyn ustanatyn egde jastaǵy adamdar ózderiniń ózgeler úshin, qoǵam úshin mańyzdy ekenin sezinedi. Sondyqtan da olardyń densaýlyǵy nasharlamaı, kárilikten kóp zardap shekpeıdi, al istegeniniń bári olarǵa qýanysh syılaıdy.