Ǵalymdar: Júrgizýshiler aqyl-esiniń kemdigi aýrýyna sırek ushyraıdy
ASTANA. QazAqparat - Ǵalymdar kólikti júrgize bilýdiń paıdasy zor degen toqtamǵa keldi. Kolýmbııa ýnıversıtetindegi zertteýshilerdiń pikirinshe, kólikti basqarý adamnyń aqyl-esiniń kemdigi aýrýynyń paıda bolýyna jol bermeıdi.
Bul júrgizýshiniń kólikti basqarǵan kezde asa qyraǵy jáne óte muqııat bolýy tıis ekendigimen baılanysty. Budan basqa, kólik júrgizý adamdy ustamdylyq, erkindik sezimine bóleıdi.
Ǵalymdardyń aıtýynsha, kóptegen zeınetkerler kólik júrgizgen kezde ózderin qoǵamnyń tolyqqandy múshesi retinde esepteıdi.
Budan basqa, qarııa júrgizýshilerdiń kólikti basqarýdan bas tartýy olardyń psıhıkalyq jáne moraldik jaǵdaıyna keri áserin tıgizedi. Kóbi tipti kúızeliske ushyrap jatady.
Ǵalymdardyń aıtýynsha, jas ereksheligine baılanysty kólikti júrgizýden bas tartýǵa májbúr bolǵan egde jastaǵy adamdarǵa kómektesý kerek eken.
