Ǵalymdar jıi saparǵa shyǵyp turýdyń paıdasyn aıtty
ASTANA. QazAqparat - Garvard ýnıversıtetiniń (AQSh) ǵalymdary Brıtanııanyń «Cancer Research» zertteý ortalyǵymen 7 jyl boıy birlesip jasaǵan zertteý qorytyndylaryn jarııa etti. Onda adamnyń baqytty bolýy úshin aıyna 1-2 ret saparǵa shyǵý jetkilikti degen tujyrym jasalǵan.
Mamandar, tipti de alysqa saparlaýdyń qajeti joq deıdi, demalys kúnderi otbasymen nemese dostarmen kórshi qalaǵa sapar jasasa da jetkilikti eken, dep jazady «VistaNews» portalynda.
Naqtyraq aıtqanda, 2003-2010 jyldar aralyǵyndaǵy júrgizilgen zertteýdiń negizgi túıini men qorytyndysynda adam saparǵa shyǵyp tursa, túrli psıhologııalyq «aýytqýlarsyz» ómirin birqalypty arnaǵa sala alady.
