Ǵalymdar Jerden 17 ese aýyr jańa planeta tapty
ASTANA. QazAqparat - Shveıtsarııalyq ǵalymdar qatty planetanyń tabylǵany jaıly málimdedi. Jerdiń salmaǵynan 17 ese aýyr jańa ǵalamshardy Jeneva ýnıversıtetiniń mamandary basqarǵan ǵalymdar toby anyqtaǵan.
ITAR-TASS habarlaǵandaı, shveıtsarııalyq oqý ornynda «NASA Kepler» astronomııalyq jer seriginiń kómegimen tabylǵan Kepler-10s dep atalatyn ekzoplaneta jaıly sóz bolyp otyr.
Jerden 560 jaryq jyl qashyqtyǵyndaǵy bul ǵalamshardyń ereksheligi, teoretıkalyq modelderdiń osynshalyq úlken mólsherdegi tas planetalardyń bolýyn qarastyrmaıtyndyǵynda dep túsindiredi ǵalymdar. Buryndary ol múmkin emes dep sanaldy, sebebi osy sııaqty alyptardyń qatty gravıtatsııalyq tartylýy tek materıaldardy ǵana emes, sonymen birge, búkil sýtegi men gelııdi tartyp alar edi. Sáıkesinshe, bul planetanyń qurylymyn qatty emes, kerisinshe ıÝpıter tárizdi gazdy eter edi.
Aldynda ǵalymdar Aıdahar shoqjuldyzynyń baǵytynda ornalasqan jáne 45 kún ishinde óz juldyzynyń beldigin aınalyp shyǵatyn Kepler-10s dıametri 29 myń shaqyrymda quraıdy, Jer dıametrinen 2,3 ese úlken. Olar sýtegi men gelııden turatyn shaǵyn Neptýn jaıly sóz bolyp otyr dep paıymdaǵan bolatyn. Alaıda ǵalymdardyń HARPS-Nord jobasynyń aıasynda Kanar araldaryndaǵy Palma aralynda ornatylǵan teleskoptyń kómegimen júrgizgen ólshemi planeta salmaǵynyń áldeqaıda kóp ekenin kórsetti. Al Kepler-10s - jartastar men basqa qatty materıaldardan turatyn qatty planeta.
