Ǵalymdar: Jerdegi otteginiń 50 paıyzyn teńiz mıkroaǵzalary óndiredi
ASTANA. QazAqparat - Fıtoplankton - álemdik muhıtta tirshilik etýshilerdiń azyq quramynyń ajyramas bóligi ǵana emes, biz tynys alatyn ottegin eń basty óndirýshi. 3,5 jyl muhıtta bolǵan amerıkalyq ǵalymdar osyndaı tujyrymǵa keldi. Olardyń aıtýynsha, mıkroaǵzalar Jerdegi otteginiń 50 paıyzyn óndiredi.
Bul týraly rosbalt.ru jazady.
Osy ýaqyt arasynda entýzıasttar jerdiń 210-nan astam túrli jeriniń planktonynyń 35 myńnan astam úlgilerin zerdeledi. Science jýrnalynda jarııalanǵan tujyrymǵa sáıkes, fotosıntez arqasynda teńiz mıkroaǵzalary atmosferadan kómir qyshqyl gazy men janǵysh ónimderdi joıady eken. Budan basqa, jerdegi planktonnyń genetıkalyq túri biz oılaǵannan da kóp bolyp shyqty. Olardyń munsha kóp bolýy parazıt vırýstar týyndatqan ózgeristerge baılanysty.
Arızon Ýnıversıtetiniń muhıttanýshysy Djenıfer Brýmnyń aıtýynsha, bir staqan teńiz sýynda shamamen 200 mln. vırýs bar eken. Olardyń kóbi osy staqanda bolatyn 20 mıllıondaı bakterııaǵa juǵatyn kórinedi.
