Ǵalymdar: Jerde tuşy sý qorlary taýsylýda
ASTANA. QazAqparat - Ǵalymdar Jerde tuşy sý qorlary azaıyp otyrǵanyn aıtyp, dabyl qaǵýda. NASA ǵarysh agenttiginiń mamandary spýtnık sýretterin saraptap, osyndaı qorytyndyǵa keldi, dep habarlady www.24.kz.
Olardyń málimdeýinshe, aldaǵy 1 ǵasyrdyń ishinde kóptegen elder tuşy sýsyz qalady. Sebebi qazirdiń ózinde ǵalamshardaǵy tirshilik náriniń qorlary taýsylyp barady. Buǵan jahandyq jylyný men kómirqyshqyl gazynyń joǵary deńgeıde shoǵyrlanýy sebep bolǵan. Mamandardyń aıtýynsha, qýańshylyqtan eń birinshi bolyp, Nepal, Kavkaz jáne Úndistannyń soltústigi zardap shegedi. Sondaı-aq AQSh-tyń ońtústigindegi shtattar men Belgııa, Nıderland ta cýǵa zárý bolady. Al Eýropa elderi, Reseıdiń Shyǵys Sibiri men Taıaý Shyǵysyna ázirge mundaı qaýip tóngen joq.
