Ǵalymdar jazǵy demalysta kún kózinen saqtanatyn ýaqytty anyqtady
ASTANA. QazAqparat - AQSh-tyń jeke menshik Ielskıı ýnıversıtetiniń mamandary kúnge kóp qyzdyrynǵannan teri obyry paıda bolatynyn eskertti. Dárigerlerdiń aıtýynsha, tipti birneshe saǵat kún astynda jatyp, ıa júrip qalsańyz, sonyń ózi teri aýrynyń týýyna áser etedi, dep jazady «Meddaily».
«Ýltra kúlgin sáýlele DNQ quramyn ózgertip, teri jasýshalaryna zııan etetini áýelden belgili. Melanın - sáýleni «jutady». Alaıda, osy ýaqytqa deıin ǵalymdar sińgen sáýle qýaty ary qaraı qalaı áser etetinin anyqtaı almaı kelgen. Energııa jutqan melanın qaýipti reaktsııalardy týdyratyny endi ǵana belgili boldy», delingen aqparatta. Jańa ǵylymı qorytyndy boıynsha, ǵalymdar endi saǵat 11:00-den 15:00-ge deıin kún astynda kóp qalmaýǵa keńes beredi.
