Ǵalymdar jasýshalardyń ólimi mehanızmin anyqtady
ASTANA. QazAqparat - Flandrııa bıotehnologııa ınstıtýty men Gent ýnıversıtetiniń ǵalymdary (Belgııa) sensatsııalyq jańalyq ashty, ıaǵnı olar jasýshylardyń ólýi mehanızmin anyqtady.
Atap aıtqanda bul másele kóptegen jyldar boıy ǵylym áleminde túsiniksiz bolǵan edi.
Osy sońǵy zertteýler kóptegen aýrýlardy (sepsıs, ınsýlt, búırek jáne júrek aýrýlary, skleroz jáne basqalary) emdeýde jańa serpin beredi dep kútilýde.
Ǵalymdardyń málimetinshe, adam aǵzasyna ınfektsııa túsken kezde jasýshalardy joıý úderisi bastalady. Jasýshalardyń ólimi mehanızmi MLKL aqýyzdarymen baılanysty. Olar jasýshalyq membranada bos aralyqtardyń qalyptasýyna jaýap beredi.
Jasýsha ishine shamadan tys sýdy sorady jáne osy oraıda onyń jarylýy oryn alady. Nátıjesinde jasýsha quramy onyń mańyndaǵy ulpalarǵa túsedi. Osy arqyly qabyný úderisi bastalady.
Osy mehanızmniń aıqyndalýy jasýshylardyń ólimine tosqaýyl qoıatyn dárilik preparattardy jasaýǵa jol ashyp otyr. Bolashaqta ol onkologııalyq dertterdi de emdeýge múmkindik berýi yqtımal, dep jazady Rosbalt.
