Ǵalymdar jasandy júrektiń jańa túrin jasap shyǵardy
ASTANA. QazAqparat - Eýropa elderi jasandy júrektiń jańa túrin synaqtan ótkizip jatyr. Atalǵan apparatty eshbir symsyz adamǵa salýǵa bolady. Arnaıy sómkeni ustaýdyń qajeti joq. Sebebi akkýmýlıator batareıasy da ishinde ornalasqan. Osy apparatty zertteý jumystaryna QR Ulttyq ǵylymı kardıoxırýrgııa ortalyǵy da atsylysyp keledi, dep xabarlaıdy QazAqparat tilshisi.
Ortalyq basshysy ıÝrıı Pıanyń aıtýynsha, ázirshe jasandy júrektiń jańa túrin janýarlarǵa salyp júr. «Zertteý jumystary Belgııa men Frantsııada júrgizilip jatyr. Oǵan Izraıl jáne Eýropanyń basqa da memleketteri qatysyp júr. Jańa apparatty adamǵa salý úshin aldymen janýarlarǵa salyp, baqylap kórý kerek. Biz birneshe qoıǵa jasandy júrektiń jańa túrin saldyq. Olar eki jyldan beri sonymen júr. Jalpy, bul baǵdarlamanyń bastalǵanyna bes jyldaı boldy. Aldaǵy ýaqytta arnaıy komıssııa tájirıbeniń nátıjesin zerdelep, klınıkany anyqtaıdy. Sol jerde jasandy júrektiń jańa túrin ımplantatsııasyna alǵashqy operatsııa jasalady. Menińshe, aldaǵy bes jylda ony adamdarǵa sala bastaıdy», - dedi ıÝ.Pıa jýrnalısterge bergen suxbatynda.
Onyń aıtýynsha, jańa apparattyń akkýmýlıator batareıasy ishinde ornalasqan. Ol elektrmagnıtti tolqyndar arqyly qýat alady.
«Adamǵa kontýr ispetti «ındýktsııalyq katýshka» kıgiziledi de, sol arqyly elektrmagnıtti tolqyndar jasandy júrektegi kontýrǵa beriledi. Sol arqyly energııa óndiriledi. Sóıtip, battareıa qýat jınaıdy. Jasandy júrektiń jańa túri qazaqstandyqtarǵa da jetse eken deımin. Bul - meniń maqsatym. Ózime sondaı mindet qoıdym. Oǵan jetýim kerek. Sodan keıin zeınetkerlikke de shyǵýǵa bolady», - dep atap kórsetti ıÝ.Pıa.
Aıta keteıik, Qazaqstanda taǵy eki adamǵa tolyǵymen jasandy júrek salyndy. Barlyq operatsııalar Astanadaǵy Ulttyq ǵylymı kardıoxırýrgııa ortalyǵynda jasaldy. Alaıda «Carmat SA» úlgisindegi apparattyń arnaıy sómkesi bar. Onyń salmaǵy - 3 keli. Іshinde akkýmýlıator batareıasy jáne basqa da datchıkter ornalasqan. Barlyǵy symdar arqyly jasandy júrekke jalǵanyp turady.
Búgin Ulttyq ǵylymı kardıoxırýrgııa ortalyǵynyń mamandary taǵy bir operatsııanyń sátti jasalǵanyn málimdedi. 60 jastaǵy Qunanbaı Abyraevke donorlyq júrektiń salyndy. Ondaı operatsııa álem boıynsha alǵash ret jasalyp otyr. Oǵan aldymen jasandy júrek salyndy, artynan ony donorlyq júrekpen aýystyrdy. 
