Ǵalymdar jasandy ıntellekt oılap tapty
ASTANA. QazAqparat - Massachýset tehnologııalyq ınstıtýtynyń ǵalymdary adam túısiginen basym túsetin jasandy ıntellekt oılap tapty.
«Bizdiń qurylǵy adamdy aýystyrý úshin emes, kerisinshe, onyń parasatyn tolyqtyrý úshin jasaldy. Mysaly, ony ǵalymdarda kóp jınaqtalyp qalǵan derekterdi óńdeý úshin paıdalanýǵa bolady», - dedi jasandy qurylǵyny ázirleýshilerdiń biri Maks Kanter.
Mamandardyń aıtýynsha, ǵalymdardyń bir aı ýaqyt jumsaıtyn aqparatyn osy júıe arqyly 8-12 saǵatta taldap shyǵýǵa bolady.
Mundaı júıe aldaǵy ýaqytta mamandarǵa tájirıbe qorytyndylary men ekonomıkalyq boljamdardyń eń mańyzdy ózgeristerin tańdaýǵa járdemdesedi. Sondaı-aq ǵalymdardy barynsha qyzyqty zertteý júrgizýge baǵyttaıdy, dep jazady sheteldik BAQ.
