Ǵalymdar jarylǵysh zatty anyqtaıtyn skaner oılap tapty
ASTANA. QazAqparat - Brıtandyq mamandar úlken-kishisine qaramaı, kez kelgen jarylǵysh zatty anyqtaıtyn skaner oılap tapty, dep habarlaıdy 24.kz telearnasy.
Injenerlerdiń aıtýynsha, jańa qurylǵy Brıýssel men Parıjde bolǵan lańkestik áreketterdiń aldyn alýǵa múmkindik beredi. Qazir qurylǵyny jasaǵan ınjenelerdiń biri jarylǵysh zattyń kishkentaı túıirin kıiminiń ishine salyp jatyr. Lazer, kamera jáne elektrondy chıppen jaraqtanǵan skaner qaýipti nárseni jańylmaı tanıdy.
«Men jarylǵysh zatqa saýsaǵymdy tıgizip kórdim, biraq eshteńe seze almadym. Al biz jasaǵan qurylǵy ony birden anyqtaıdy», Lafboro ýnıversıtetiniń professory Djon Taırer.
Injenerlerdiń aıtýynsha, jańa skaner áýejaılar men adam kóp shoǵyrlanatyn oryndarǵa taptyrmas qural bola alady. Bul qurylǵy bir jaǵynan sodyrlarǵa qarsy quralǵa aınalsa, ekinshiden baqylaýdy kúsheıtý isin jedeldetýge múmkindik bermek.
Djon Taırerdiń aıtýyna qaraǵanda, qurylǵyny esik jaqtaýyna bekitip qoısa, ol adamdardyń tula boıyn tynymsyz tolyq skanerlep turady jáne jolaýshylar nópirine kedergi keltirmeıdi eken.
«Bul - mańyzdy qurylǵy. Sebebi, ony adamǵa tıgizip qajeti joq. Sondyqtan ol múlde kózge túspeı, eleýsiz turady. Biz adamdardyń boıynan jarylǵysh zattardy izdeımiz, al olar túk sezbeıtin bolady», - deıdi qaýipsizdik salasyndaǵy konsaltıngtik kompanııa dırektory Mettıý Fınn.
