Ǵalymdar jarty ǵasyrdan keıin torıı reaktoryn synap kórmekshi
ASTANA. QazAqparat - Nıderlandtyq ǵalymdar torıı tuzynyń balqytpasy reaktorlaryna synama jasap kórýdi josparlap otyr. Mundaı ǵylymı tájirıbe sońǵy elý jylda alǵash ret jasalmaqshy, dep habarlaıdy QazAqparat.
Ol úshin ǵalymdar paıdalanylǵan ıadrolyq otyndy kádege jaratý jáne asa joǵary temperatýraǵa tózimdi qorytpa jasaý máselelerin sheshýi kerek.
Torııdiń «tanymaldyǵy» ýranmen salystyrǵanda tómenirek, óıtkeni, ony qarýǵa paıdalaný qıynǵa soǵady. Al, ótken ǵasyrda ıadrolyq qarý jasaýshy memleketter energııa kózi retinde paıdalanylmaıtyn elementterge basa nazar aýdarǵan, dep jazdy Engagdet .
Kóptegen elder energııa alýdyń jańa joldaryn izdep jatyr, alaıda, balamaly energııa kózine kóshý bir ǵana onjyldyqtyń jumysy emes. Torıı reaktorlaryn aralyq tizbek maqsatynda paıdalaný - qıyn jaǵdaıdan shyǵýdyń joly bolýy ábden múmkin.
