Ǵalymdar japondardyń uzaq ómir súrýiniń qupııasyn ashty
NUR-SULTAN. QazAqparat – Dástúrli japon matcha shaıy deneniń qartaıýyn báseńdetip, birqatar aýrýlardyń damýyna jol bermeıdi. Bul týraly 26 qazanda Express basylymy jazdy, dep habarlaıdy QazAqparat.
Maqala avtorlary Dúnıejúzilik densaýlyq saqtaý uıymyna silteme jasaı otyryp, Japonııa halqynyń dıetany saqtaýyna jáne erekshe sýsyn ishetin ádetterine baılanysty ómir súrý uzaqtyǵy eń joǵary ekenin atap ótken. Al, olardyń súıikti sýsyny – matcha shaıy.
Bul basqa shaılardan erekshe. Matcha shaıy – ashyq-jasyl tústi untaq. Sýsynnyń quramynda A, B, C, E dárýmenderi, sonymen qatar uzaq ómir súrýge yqpal etetin taǵamdyq talshyqtar, myrysh, kalıı, kaltsıı, natrıı jáne temir bar.
Budan bólek ǵalymdar dástúrli sýsyn holesterın men qannyń quramyndaǵy qant deńgeıin túsiretinin, ımmýndyq júıeni nyǵaıtatynyn, qaterli isiktiń, dıabet pen semizdiktiń damý qaýpin boldyrmaıtynyn anyqtady.
