Ǵalymdar: Jańa zymyran qozǵaltqyshy ǵaryshkerlerdi tórt saǵat ishinde Aıǵa jetkize alady
ASTANA. QazAqparat - Nemis ǵalymdary elektromagnıtti qozǵaltqysh ǵarysh kemesin tórt saǵat ishinde Aıǵa jetkize alatynyn dáleldedi.
Elektromagnıtti qozǵaltqyshty jasaýdy brıtanııalyq ǵalym Rodjer Shoer 2000 jyly usynǵan bolatyn. Alaıda ǵalymdar qoǵamdastyǵy mundaı múmkindikke senbedi. RT aǵylshyn tildi saıty habarlaǵandaı, keıin NASA bul jobaǵa qaıta oraldy.
Drezden tehnologııalyq ýnıversıtetiniń ǵalymdary elektromagnıtti qozǵaltqysh ǵarysh kemelerin Aıǵa tórt saǵat ishinde, al Marsqa 70 kún ishinde jetkize alatynyn rastady.
Ǵalymdar túsindirgendeı, mundaı qozǵaltqysh tuıyq kameranyń qabyrǵasynan elektromagnıtti sáýlelený beınesiniń arqasynda kúsh alady. Ol úshin zymyrannyń janar-jaǵar maıy kerek emes. Kúnniń sáýlesi jetkilikti.
