Ǵalymdar: Jalǵyzsyraıtyn jandar sýyq tıgende basqalarǵa qaraǵanda ózin áldeqaıda jaısyz sezinedi
ASTANA. QazAqparat - AQSh-tyń Tehas shtaty Hıýston qalasyndaǵy Raıs ýnıversıteti jańa zertteý júrgizip, oǵan 18-55 jas aralyǵyndaǵy 159 adam qatysty. Eriktilerdiń bári boıdaq bolǵan. Ǵalymdar olardyń bárine tumaý juqtyrǵan jáne olardan qoǵamnan oqshaýlanýǵa kelisýin suraǵan, dep habarlaıdy UPI.com.
Osydan soń qatysýshylardy qonaq úılerdiń bólmelerine karantınge japqan. Ǵalymdar eriktilerdi eki-úsh kún boıy baqylaǵan. Nátıjesinde, olardyń shırek bóligi tumaýmen aýyrǵan. Al qoǵamnan oqshaýlaný aýrýdyń juǵý kórsetkishine áser etpegen. Alaıda ǵalymdar aýrý sımptomdary arasyndaǵy ózgeshelikti baıqaǵan.
Qoǵamnan, aınalasyndaǵy adamdardan kómek, qoldaý kútip turatyn, jalǵyzsyraıtyn adamdarda aýrý sımptomdary qoǵamnan oqshaýlanýdan qoryqpaıtyn jandarǵa qaraǵanda áldeqaıda aýyr bolǵan.
