Ǵalymdar: Jaqyndaryńmen ursysý ómirdi qysqartady
ASTANA. QazAqparat - Seriktestermen, kórshilermen, týystarmen jáne dostarmen jaqsy qarym-qatynasta bolý mańyzdy. Kopengagen Ýnıversıtetiniń ǵalymdary anyqtaǵandaı, qobaljýlar men shıelenister ólimdi jaqyndatýy múmkin, dep jazady Rosbalt.
2000-2011 jyldar arasynda 9870 adamǵa júrgizilgen tájirıbe bul ásirese erler men jumyssyz adamdar arasynda óte ózekti ekenin kórsetti. Zertteý ýaqyty barysynda áıelderdiń 4%-y jáne erlerdiń 6%-y qaza tapty. Jalpy qatysýshylardyń 50%-y qaterli isikten kóz jumdy. Ólimniń ózge sebepteriniń arasynda júrek qan tamyr aýrýlary, baýyr dertteri, oqys oqıǵalar men ózine qol jumsaýlar boldy.
Árbir onynshy adam onyń seriktesi nemese balalary qobaljýǵa ıtermeleıtinin aıtqan. 6%-y otbasy múshelerimen ursysatynyn, al 2%-y dostarymen sózge kelip qalatynyn jetkizdi.
Jalpy, ýaıymdaıtyn jáne áriptesiniń qysymyna tap bolatyndardyń ómiri ózgelermen salystyrǵanda eki ese kóbirek qysqarady eken.
Mundaı jaǵdaı balalarymen kelispegende de kezdesedi, ıaǵnı ólim qaýpi 50% artqan. Kórshilermen ursysý qaýipti úsh eseden astam ulǵaıtqan.
Jıi týyndaıtyn kelispeýshilik ólim qaýpimen baılanysty bolǵan. Jumyssyz adamnyń ólim qaýpi jumysy barmen salystyrǵanda shamamen 4,5 ese ósedi eken.
