Ǵalymdar zeınetkerlerge arnap «aqyldy» elektromobılder qurastyrýda
ASTANA. 25 sáýir. QazAqparat - Ulybrıtanııa ǵalymdary jasy 65-ten asqan avtoáýesqoılar úshin ózderin jolda nyq senimdi sezine alatyn «aqyldy» elektromobıl qurastyrýda,
dep habarlaıdy ITAR-TASS, brıtanııanyń aptalyq gazeti «The Independent» basylymyna silteme jasap. Bul týraly BNews.kz saıty jazdy.
Modıfıtsıkalanǵan Peugeot iOn elektromobıli júrgizýshiniń kózqarasy men qımyl-áreketin baqylaıtyn birqatar qondyrǵylarmen jaraqtandyrylǵan. Atap aıtqanda, ol júrgizýshiniń qan qysymy men júrek soǵysyn, júrek-qan tamyrlary júıesin baqylap otyratyn bıometrıkalyq tehnologııalar.
Bul aǵylshyndardyń Nıýkasl qalasy ýnıversıtetiniń bir top ǵalymdary oılap shyǵarǵan ózindik ereksheligi bar «dóńgelekti zerthana». Keńinen zertteýge arnalǵan jobanyń maqsaty kólik quraldaryn egde adamdar basqarǵan kezde jol boıynda joǵary qaýipsizdik erejelerin qamtamasyz etý. Statıstıkalyq málimetterge sáıkes, joǵaryda atalǵan jasy ulǵaıǵan adamdar jol boıynda densaýlyq jaǵdaıynyń nasharlaýyna jıi tap bolady eken.
