Ǵalymdar zertteýi: Jalǵyzdyq aqyl-esti kemitedi
ASTANA. QazAqparat - Florıda shtaty ýnıversıtetiniń qyzmetkerleri zertteý júrgizip, sonyń barysynda egde jastaǵy jalǵyzdyq aqyl-esti kemitetindigin anyqtady. Jobaǵa 50 jastan asqan 12 030 amerıkalyq qatysty, dep habarlaıdy Journals of Gerontology.
Ǵalymdar 12 myńnan astam otandasy týraly málimetterdi taldap shyqty. Zertteýge qatysýshylar olardan ózderin jalǵyz sanaıtyny ne sanamaıtyny jaıynda aıtyp berýin surady.
Budan keıin egde jandar birqatar test tapsyrǵan. Olar 10 jyl boıy jylyna eki retten test tapsyrdy. Osy ýaqyttyń ishinde 1104 adamda dementsııa (aqylsyzdyq) damyǵan.
Zertteýshiler ótkizilgen jumystyń negizinde jalǵyzbasty adamdardyń boıynda egde jastaǵy aqylsyzdyqtyń damý qaýpi olardyń násili, jynysy, jasy, sondaı-aq bilimine qaramastan, ortasha alǵanda 40 paıyzǵa ósetinin aıtyp otyr.
