Ǵalymdar Valensııadan qabyrǵadaǵy keskindemeler keshenin tapty
ASTANA. QazAqparat - Ispanııa arheologtary Valensııadaǵy aýdandardyń birindegi úńgirden qabyrǵadaǵy keskindemelerdi tapty, dep habarlady Europa Press.
Onda adam men janýarlardyń sýreti beınelengen. Olarda múıizdi mal, ańshylyq, sadaq atýshylar jáne basqa da sıýjetter beınelengen. Qabyrǵadaǵy beınelerge jeti myń jyldan astam ýaqyt bolǵan. Ǵalymdar tabylǵan bul olja Pıreneı túbegi men Valensııada ejelgi ýaqyttarda ómir súrgen adamdardyń qabyrǵadaǵy keskindeme óneri damýyn tabýǵa kómektesedi dep sanaıdy.
Qaýipsizdik maqsattary úshin sheneýnikter men arheologtar bul oljanyń qaıda ornalasqanyn qupııa ustap otyr, al zertteýshiler ony taldap, egjeı-tegjeıli baıandamany ǵylymı qoǵamdastyqqa tapsyrmaq. Ispanııada buǵan deıin qabyrǵadaǵy keskindeme ónerine qatysty mundaı ejelgi artefaktiler tabylmaǵan bolatyn.
