Ǵalymdar uıyqtar aldynda smartfon paıdalaný zııandy ekenin anyqtady
ASTANA. QazAqparat - AQSh-tyń Kalıfornııa men San-Frantsısko ýnıversıtetteriniń ǵalymdary smartfondy kóp paıdalaný men uıqynyń buzylýy arasynda baılanys bar ekendigin anyqtady. Zertteý avtorlary uıyqtar aldynda smartfon paıdalaný uıqynyń qanbaýyna jáne onyń uzaqtyǵyna áser etedi dep málimdedi. Bul týraly The Guardian basylymy jazady.
Zertteýge 18 jastan asqan 653 amerıkalyq qatysqan. Olardyń smartfondaryna 30 kún ishinde ekrannyń qosylyp turǵanyn tirkep otyratyn qoldanba ornatylǵan. Al uıqynyń sapasy jónindegi derekter zertteýge qatysýshylar arasynda saýalnama boıynsha jınaqtalǵan. Eksperıment nátıjesi ár respondenttiń táýligine 1 saǵat 29 mınýt smartfon paıdalanatynyn kórsetken (ár saǵatta úzilissiz 3,7 mınýt). Uıyqtar aldynda smartfon ekranyna kóbirek úńilgenderdiń bári uıqysynyń buzylǵanyn, basqalarǵa qaraǵanda jatqan soń uzaq ýaqyt kóz ile almaǵanyn málimdegen.
«Biz osy arqyly baılanystyń naqty sebepterin dáleldeı almasaq ta, osy derekter kómegimen uıaly telefonǵa neǵurlym kóbirek úńilseńiz soǵurlym uıqyńyz nasharlaı túsetinine kóz jetkizdik», - dedi zertteýdiń teń avtory Gregorı Markýs.
Jatar aldynda smartfonǵa arnalǵan árbir mınýt uıqynyń uzaqtyǵyn 5 mınýtqa azaıtatyny belgili boldy.
