Ǵalymdar: uıqysyzdyqtyń sebebi mıdyń shekten tys belsendiliginde
ASTANA. QazAqparat - Ǵalymdar keıbir adamdardyń uıqysyzdyǵy nelikten bolatynyn anyqtady. Belgili bolǵandaı, uıqyzdyqqa shaldyqqan jandardyń mıy qarapaıym adamnyń mıynan erekshe, dep habarlady The Tech Times.
Uıqysyzdyqqa shaldyqqan adamdardyń mıy kúndiz áldeqaıda belsendi. Sol sebepti oǵan túnde mıdyń belsendiligin tómendetý qıyn. Muny 50 jáne odan asqan jastaǵy 28 adamǵa júrgizilgen zertteýler dáleldedi.
Zertteýge qatysqan 18 adam bir jyl boıy uıqysyzdyqpen kúresse, 10 adam ózderin qatty uıyqtaıtyndar sanatyna jatqyzǵan.
Mıdyń asa belsendiligi uıqynyń jetispeýshiligin qalpyna keltirýge qaýqarsyz. Ǵalymdar qatysýshylardyń mılarynyń sozymdylyǵyn ólshep kórmek bolǵan. Mıdyń sozymdylyǵyna keler bolsaq, ol úshin uıqynyń mańyzy erekshe. Sáıkesinshe, uıqy qanbaǵandyqtan, mıdyń belsendiligi tómendeıdi.
