Ǵalymdar uıqysyzdyqtyń psıhıkaǵa paıdaly ekenin anyqtady

Naqtyraq aıtsaq, ol kúızelispen kúresýge, ıaǵnı,  psıhıka saýlyǵyna áser etedi. Bul tujyrym The Journal of Clinical Psychiatry basylymyna shyqqan maqalada jazylǵan.

Ǵalymdar uıqysyzdyqqa arnalǵan 66 táýelsiz zertteýdi saralaǵan. Ǵylymı eńbekter "uıqynyń deprıvatsııasy", "depressııa" degen tirek sózder jıiligi boıynsha tańdalǵan. Keıin olar mynadaı sheshimge keldi: Jartylaı (20-21 saǵat) jáne tolyq (36 saǵatqa deıin) uıqysyzdyq naýqas adamdardyń 50%-daǵy depressııa belgilerin jeńildetýge kómektesken.

Bir qyzyǵy, olardyń psıhıkalyq saýlyǵynyń qalpyna kelýi alǵashqy uıqysyz táýlikten keıin-aq baıqalǵan. Osylaısha, amerıkalyq ǵalymdar depressııany uıqysyzdyqpen emdeý ádisine kirisip ketti.