Ǵalymdar: uıqynyń jetispeýi oqýshynyń úlgerimine keri áserin tıgizedi
ASTANA. 9 mamyr. QazAqparat - Uıqynyń jetispeýi álemniń 50 elindegi oqýshylardyń úlgeriminiń tómendeýine eleýli faktor bolyp tabylady, dep sheshim jasady AQSh-tyń zertteýshileri.
VVS-diń jazýynsha, ǵalymdar matematıka, ǵylymı pánder men ádebıet boıynsha 900 myń oqýshynyń úlgerimin salystyryp, sondaı-aq olardyń neshe saǵat uıyqtaıtyndyǵyna taldaý jasaǵan eken.
Nátıjesinde, az uıyqtaǵan oqýshylardyń yntasy uıqyǵa jetkilikti ýaqyt jumsaıtyndarǵa qaraǵanda tómen bolǵan. Sonymen qatar AQSh-ta uıqy jetispeıtin oqýshylardyń basym bóligi tirkelgen kórinedi.
Atalǵan saladaǵy mamandardyń paıymynsha, jatar aldynda uıaly telefondar men kompıýterlerdi paıdalaný balalardyń uzaq uıyqtamaı júrýine ıtermeleıdi.
