Ǵalymdar: uıqynyń buzylýy este saqtaý qabiletin tómendetedi
ASTANA. QazAqparat - Uıqynyń buzylýy este saqtaý qabiletine zııanyn tıgizedi, dep jazdy Science jýrnaly halyqaralyq ǵalymdardan turatyn toptyń zertteý nátıjesine silteme jasap.
Tyshqandardyń kómegimen birqatar tájirıbe júrgizgen ǵalymdar osyndaı pikirge keldi. Bastapqyda kemirýshilerge birneshe kún boıy pishini birdeı eki nysan kórsetken. Olardyń biri saqtalyp otyrsa, ekinshisin únemi aýystyrǵan. Tyshqandar jańa nysandy zertteýge kóbirek ýaqyt ketirgen, ǵalymdardyń pikirinshe, bul janýarlarda eske saqtaý qabileti bar bolǵanyn bildiredi, dep habarlady RIA Novostı.
Keıin zertteýshiler uıyqtap jatqan kezinde jaryqtyq ımpýlstardyń kómegimen kemirýshilerdiń este saqtaý qabiletimen jaýap beretin neırondaryna áser keltirgen. Osylaısha, kelesi kúni tyshqandar jýyrda kórsetilgen nysandy (zatty) eske túsire almaǵan.
Osynyń negizinde mamandar uıqynyń buzylýy este saqtaý qabiletine zııanyn tıgizedi degen toqtamǵa keldi.
