Ǵalymdar uıqy shaqyratyn taǵamdardy anyqtady
ASTANA. 26 tamyz. QazAqparat - Amerıkanyń ǵalymdary adam aǵzasyn álsiretip, uıqy shaqyratyn taǵamdardyń bestigin anyqtady. Olardyń qatarynda dıetalyq et te, makaron da, táttiler de bar. Bul týraly «Alash aınasy» jazyp otyr.
Segodnya.ua ınternet portalynyń habarlaýynsha, zertteýshiler keıbir tamaq túrleriniń adam aǵzasyn álsiretip jiberetinin anyqtaǵan. Biraq bul tizimdegi eń alǵashqy orynda alkogol tur. Dárigerlerdiń málimdeýinshe, spırttik ishimdikter uıqyny tez shaqyryp, deneni bosańsytqanymen, adam boıyndaǵy kúshti qalpyna keltire almaıdy. Al ekinshi orynda turǵan táttiler qan quramyndaǵy glıýkoza deńgeıin birden ózgertip, aǵzany tez arada álsiretip jiberedi. Úshinshi saty kúrketaýyq etine buıyrǵan. Mamandardyń sózine sensek, dıetalyq bul ettiń quramynda relaksııalyq áser beretin aqýyzdar kóp kórinedi. Sonymen qatar unnan jasalatyn taǵamdar da tizimge endi. Ásirese aq bıdaı unynan ázirlengen makarondardyń aǵzany tez sharshatyp, álsiretetini anyqtalyp otyr. Bestiktiń qataryndaǵy sońǵy orynda qýyrylǵan taǵamdar tur. Mamandardyń aıtýynsha, qatty qýyrylǵan as uıqy shaqyrǵannan bólek, asqorytý júıesin buzyp, salmaq qosýǵa úlken úles qosady eken.
