ǴALYMDAR: Uıqy gormony súıekti qataıtady
ASTANA. QazAqparat - Mamandar tsırkadtyq rıtm men súıek ulpasynyń degeneratsııa protsesi arasyndaǵy erekshe baılanysty anyqtady. Ashylǵan jańalyq osteoporozdyń aldyn alý terapııasyn jetildirýge kómektesýi tıis. Terapııa negizine melatonın salynady.
Bul týraly rosbalt.ru jazady.
Tájirıbe melatonıni bar bıologııalyq belsendi qospalardyń eresek egeýquıryqtardyń súıek ulpasyn qataıtqanyn kórsetken. Melatonın uıqyny rettep, deneniń temperatýrasynyń tómendeýi esebinen uıqyny shaqyrady. Qartaıý kezinde uıqy sapasy tómendeıdi jáne ol osteoklasttardy áldeqaıda belsendi etedi. Ol súıekterdiń ydyraý protsesin tezdetedi.
Melatonın garmonymen bıologııalyq belsendi qospalardy testileý barysynda ony sýda eritilgen kúıi 20 egeýquıryqqa bergen. 10 aptadan keıin súıekterdiń tyǵyzdyǵy men beriktigi baıqaldy: súıek ulpasynyń kólemi men tyǵyzdyǵy ulǵaıǵan.
Endi onyń adamdar úshin qandaı mólsherin qoldaný kerektigin anyqtaý kerek.
