Ǵalymdar: úıdiń tamaǵy ekinshi tıpti qant dıabet damýyn tómendetedi
ASTANA. QazAqparat - Amerıkandyq medıkter fasfýdtar men meıramhana taǵamdarynan góri úıden tamaqtaný ekinshi tıpti qant dıabeti damýy táýekeletin shamamen 13 paıyzǵa tómendetetinin anyqtady, olar bul jóninde Orlandodaǵy amerıkandyq júrek qoǵamynyń kezekti kezdesýinde aıtyp berdi, dep habarlady RIA Novostı.
«Sońǵy 50 jylda AQSh aýmaǵynda meıramhanalarda ónerkásiptik túrde daıyndalǵan tamaqty jeý nemese olardy ózderimen birge úıge ákelý úrdisi eleýli túrde ósti. Sonymen qosa ekinshi tıpti dıabettiń taralýy da arta tústi, dep áńgimeledi Garvard ýnıversıtetinen Gen Tszýn.
Tszýn jáne onyń áriptesteri 58 myń áıel men 41 myń er adamdardyń densaýlyǵyn 40 jyl boıy baqylaý barysynda jınalǵan málimetterdi taldaı otyryp, úıdiń tamaǵy organızm úshin eń qaýipsiz ekenin jáne dıabet damýy múmkindigi ósýine jol bermeıtinin anyqtady.
AQSh-tyń basty medıtsınalyq mekemelerinde orta býyn maman bolyp jumys jasaıtyn eksperımentke qatysýshylardyń barlyǵy da eshqandaı júrek aýrýlary dertine, artyq salmaq nemese dıabet aýrýlaryna ushyramaǵan bolatyn, bul ǵalymdardyń tamaqtyń jáne basqa da faktorlardyń olardyń ómirine qalaı áser etetinin baqylaýyna múmkindik berdi..
Taldaý kóbine úı tamaǵyn jegen medbıkelerde dıabet damýy monıtorıngige qalǵan qatysýshylarǵa qaraǵanda shamamen 13 paıyz tómen bolǵanyn kórsetti. Mundaı áserge qol jetkizý úshin Tszýn men onyń áriptesteriniń esepteri kórsetkendeı, aptasyna 11-14 portsııa úı tamaǵyn jeý jetkilikti bolmaq.
