Ǵalymdar úsh mıllıard jyl buryn qulaǵan asteroıdty tapty
ASTANA. 2 shilde. QazAqparat -Grenlandııa ǵalymdary asteroıd qulaǵan oryndy tapty. Ertedegi ýaqytta onyń aýqymy asteroıdtikindeı úlken bolǵan, alaıda ýaqyt óte kele kólemi edáýir tarylǵan.
Ýtro.rý habarlaǵandaı, mundaı ǵylymı jańalyqty dat geology Adam Garde jasady. Ol kóp jyldaı boıy Grenlandııanyń geologııalyq qurylymyn zerttep, araldan joǵary temperatýra jaǵdaıynda, máselen asteroıd Jerge qulaǵan kezde túziletin mıneraldardy tapty. Zertteý nátıjesinde Garde shamamen úsh mıllıard jyl buryn qazirgi Grenlandııanyń aýmaǵyna, araldyń ońtústik-batysyndaǵy Manııtsok qalasynyń mańyna úlken asteroıd qulaǵanyn anyqtady. Qazir onyń ornynyń dıametri 100 shaqyrymdy quraıdy.
Ǵalymdardyń esepteýinshe, Jerge qulaǵan asteroıdtyń kólemi asa úlken - dıametri 30 shaqyrymǵa deıin bolýy múmkin. Qulaǵan asteroıdtyń saldarynan onyń ornynda dıametri shamamen 500 shaqyrymdaı oıyq qalǵan. Gardeniń aıtýynsha, asteroıdtyń qulaǵan jeri qurǵaq jer bolǵan ba, álde ol zamanda sol jerde teńiz bolǵan ba - ázirge bul belgisiz.
Aıta keteıik, ǵylymı qoǵamǵa asteroıdtyń qulaýy saldarynan paıda bolǵan 180 oıyq belgili. 2 mıllıard jyl buryn paıda bolǵan olardyń eń irisi Ońtústik Afrıka aýmaǵynda ornalasqan jáne dıametri 300 shaqyrymdy quraıdy, dep jazady Eýrazııa birinshi arnasy.
