Ǵalymdar Ulytaýda qazaqtardyń genetıkalyq synaǵyn júrgizýdi usyndy
"Ulytaý qazaqtardyń aralasyp, bir-birimen bas qosatyn ortalyǵy bolǵan. Osynaý keń dalada tildik erekshelikter men dıalektiniń joqtyǵy da osydan. Ulytaý - ult uıasy. Sondyqtan ondaǵy halyqtyń genetıkalyq materıalyn alyp, qazaqtardyń genofondyna zertteý jasaýǵa bolady", - dep atap ótti ol búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte.
Onyń aıtýynsha, Nazarbaev Ýnıversıtetinde Qazaqstandaǵy jergilikti halyqtyń genetıkalyq qurylymyna zertteý bastalǵan. Sáýlet Sákenov sol jumystyń Ulytaý ólkesinde de ótkizilgenin qalap otyr.
"Biz ol komandamen júzdesip, Ulytaýǵa shaqyrdyq. Olar keıin Ulytaýǵa soǵyp, ol jerden de genetıkalyq materıal alýǵa bolatynyn aıtty. Bul joba bizdiń kómegimizben júzege asýy yqtımal", - deıdi S. Sákenov.
"Biz qazaqtardyń genetıkalyq qurylymyn bilgimiz keledi. Sodan soń genetıkalyq baılanystardy da anyqtaǵymyz kelip otyr. Qazaqtar Ortalyq Azııalyq mádenıetke qalaı kelgenin bilý turǵysynda bul óte qyzyqty joba. Eger barlyǵy iske assa, jyl sońynda belgili bolady", - dep túıdi sózin ol.
Aıta keteıik, S. Sákenov bastaǵan ekspedıtsııa 2014 jyly tamyz aıynda Ulytaý ólkesinde bolǵan edi. Sonyń arqasynda qyrýar zertteýler júrgizilip, aımaqtyń Google Maps-taǵy kartasy jasaldy.
