Ǵalymdar Úlken androndyq kollaıderdiń jumysyna dán rıza
ASTANA. Naýryzdyń 5-i. QazAqparat - Tómen energııaly protondar shoqtyǵymen tekserilgen Úlken androndyq kollaıder - tarıhtaǵy eń úlken údetkishtiń jumysy jaqsy istep jatqanyn kórsetýde,
delingen Eýropalyq ıadrolyq zertteýler uıymynyń aqparatynda. Bul týraly «Maıak» radıosy» habarlap otyr.
Jenevanyń mańynda, shveıtsarııa-frantsýz shekarasynda salynǵan kollaıder proton shoqtaryn qarsy kúshpen aıdaıtyn kúrdeli keshen. 100 metr tereńdikke salynǵan 27 shaqyrymdyq sheńberden turatyn qurylysta proton shoqtaryn aıdaý úderisin 53 joǵary magnıt ótkizgishi basqarady. 2008 jyldyń qyrkúıek aıynda alǵash iske qosylǵan kezde, kollaıderdiń magnıt júıesinen aqaýlar tabylǵan edi. Sonyń saldarynan jóndeý jumystaryn júrgizý úshin kollaıderdiń jumysy toqtatylǵan bolatyn. Kollaıder byltyr qarasha aıynda qaıta iske qosyldy.
