Ǵalymdar: Twitter arqyly adamnyń qanshalyqty baqytty ekenin anyqtaýǵa bolady
ASTANA. QazAqparat - Aıova ýnıversıtetiniń qyzmetkerleri Twitter-degi habarlamalar boıynsha adamnyń baqyt deńgeıi men óz ómirine qanaǵattaný deńgeıin anyqtaıtyn arnaıy algorıtmdi oılap tapty. Zertteýshiler 3 mıllıard tvıtti taldap shyqqan. Ǵalymdar «men», «meni» jáne «meniń» sózderi jazylǵan habarlamalardy iriktep aldy, dep jazady The TeCake.
Zertteý baqytty adamdardyń tvıtteri uzaq ýaqyt boıy ózgermegenin kórsetti. Olar ashtyq, jer silkinisi, iri sporttyq sharalar nemese saılaý sıyqty oqıǵalarǵa táýeldi bolǵan joq. Osy arada, aldyńǵy zertteýlerdiń málimetterinshe, syrtta bolyp jatqan oqıǵalar adamdardyń kóńil kúıine qatty áser etedi. Sondaı-aq mamandar baqytsyz adamdar óz habarlamalarynda jikteý esimdikteri, jalǵaýlyqtar jáne balaǵat sózderdi jıi qoldanǵanyn anyqtady.
Óz ómirine kóńili tolmaıtyn qatysýshylar bolashaǵyna úmit artyp otyrǵanyn bildiretin «kerek», «bolady», «úmittený», «qajetsiný» sózderin 10 paıyz jıi qoldanǵan. Al ómirine rıza baqytty adamdar óz tvıtterinde negizinen 140-tan astap kóp belgini qoldandy. Olardyń habarlamalarynda pozıtıvtik sózder kóp aıtylyp, pozıtıvti taqyryptar kóp qozǵaldy. Mysaly, olar densaýlyq, aqsha jáne din týraly jazdy.
